دوشي هاوندءِ درءَ پْرشتگاں زار جتگ

كہ تْرسيں ترانگےءَ واهگيءَ انبار جتگ

يارُكءَ شال پہ بدزردي يے جَوراں لبّ‌‌اِت ‌

شهريں پنجگورءُ كے‌ءَ تربت‌ءِ بازار جَتَگ

نْيادي‌اَنت لَجّ اگاں ، الّمءَ دلرنج نہ بئِت

وَتي باريگءَ شما گِس گِس آوار جتگ

پليں پردا ، پَدءَ بے تانْسريں زِندءِ بيگار،

مَا وَ امروزءَ گهيں واهگءِ‌بيگار جتگ

هاروُ هيروپ نہ ملّ‌اَنت رگامي پَمَّن

كَدگروكاں پَہ گُليں موسمءُ جوهار جتگ

اِے بديں هار اِي بَدجاوَريں هيروُپ گْوزاِيت

انگريں تْرونگَلاں سد100 بَر چشيں ٹاپار جتگ

بے اميتيں سيدءِ اوست زِبهريں روچءَ ،

لُنج ءُ كتريں شپءِ‌انسرتگيں آوار جتگ

سید هاشمی  /بمبئي /17 آبريل 1969