كَپْت جارے كه جُهدوں پَه سَر شُتْ
كِينَگءِكارچ كَئي دِلءَ دَر شُت

بَلكيں نيمّونوں ايرجيگ بكنت
دِلجميں كارءُ كاردَر بَر شُت

يك برے شُت گوں دْروتاں ربّالو
پَسّوءِ تُرسءَ ساهوں سد/100 بَرشُت

بے سَريں راجءُ بے سريں سودا
جهندم چَه بادگيرءَ كاپَرشُت

آتكگ باريگ لجّ بَريں زَرّءِ
دوستي ءُ مهرءِ دَور آسَر شُت

شال پيسر سگارءِ هرجان‌اَت
دَيناں بے ستءِ گنجين گْوادرشُت

بانگ په بانگ‌اِنت ترا كه سير چينك ئے
راجءِ جوهانءُ پُليں آس بَرشُت

په مني مَرگءَ بمبئين كُلّان !
گَل كُتگ ، بي ريائين گْو هَبَر شُت

نالءُ ماندار بَلّاں ميتّاپين
اوكپوت!  زِندءِ «كُل كپودر» شُت

ديم ريزات مَرگ ءُ ميران ءِ
كه چه اندوهاں واهگءِ دَرشُت

پرچا ايرجيگ ئے هانُلءِ نامءِ ؟
زاناں زانت ءُ سمااِت بْرادر شُت

گُلءِ گونابءِ ساهگ‌اِش دستگ
چه دلاں ماهءُ ماهءِ دَروَرشُت

زِندماني نِزورين نيمّونے ،
گون سري سوباں ساهوں پيسر شُت

راستيءِ بامءَ جوركاں داتگ،
ماں شُت ، مُلكءَ مِهترين سَرشُت،

وژدليں جارے كپتگ،مرت سَيَد
مُتك دستونكّاں! راهدربرشُت .

سید هاشمی /9 جولاي 1968